Во текот на вчерашниот ден на подрачјето на Град Скопје од страна на сообраќајната полиција извршен е увид на вкупно осум сообраќајни незгоди.
Од нив, две се со последица материјална штета и шест се со последица телесна повреда во кои со телесни повреди се здобиле двајца возачи на патнички моторни возила, двајца пешаци и тројца сопатници во моторни возила.
Според евиденцијата на сообраќајната полиција, случени се уште две незгоди со мала материјална штета во коишто е пополнет Европскиот извештај.
Во текот на изминатиот викенд од страна на сообраќајната полиција откриени и санкционирани се двајца возачи кои ги управувале своите возила под дејство на алкохол и истите се исклучени од сообраќај, четворица возачи коишто не ги почитувале светлосните сообраќајни знаци на крстосниците, тројца возачи кои ги управувале своите возила без возачка дозвола и девет возачи кои непрописно ги паркирале возилата на тротоари или на велосипедска патека.
Во рамки на сообраќајно воспитните акции денеска Отсекот за превенција при Единицата за безбедност на патниот сообраќај ќе реализира едукативни работилници во ЦОУ „Мустафа Кемал Ататурк“ кое се наоѓа во населеното место Долно Количани и во подрачното основно училиште во населено место Горно Количани со учениците од второ и четврто одделение.
За денеска нема најавено вонредни настани со што се очекува сообраќајот да се одвива тековно според постоечката сообраќајна регулатива.