Денеска околу 11 часот во близина на островот Равник, на 500 метри од заливот Рукавац на Вис, на Македонец му се слошило додека нуркал, објавија хрватските медиуми.
Македонскиот државјанин починал откако му се слошило додека нуркал во областа Бриони кај Вис. Веднаш била испратена брза помош да интервенира, но нуркачот веќе бил починат, јавува Далмација данас.
Причината за смртта ќе биде позната по обдукцијата.
Областа Бриони кај Вис е меѓу најатрактивните области за нуркање во Јадранското Море, каде што доаѓаат многу нуркачки ентузијасти од странство.
