На крајот од август ќе се знаат сите кандидати на СДСМ за локалните избори, а дел ќе бидат соопштени во јули

Од:

Предлозите за градоначалници за локалните избори, СДСМ ќе ги презентира на крајот од август. Предвреме, можно е да се знаат имињата само за кандидати во општини, за кои анализите се завршени. Ова е ставот претседателот на СДСМ и премиер, Зоран Заев, кој додаде дека се спроведуваат низа анкети, за партијата да ги избере тие, кои според него, ќе победат.

„Според нашиот правилник и роковник, одлуките ги носиме крајот на август затоа што во првата половина од септември се доставуваат до ДИК. Но, ако и претходно донесеме одлуки кои ќе значат завршени истражувања, анализи, нема што да чекаме и ќе објавиме, за да знаат граѓаните и да оформат свој став. Генерално крајот на август, но не исклучувам можност и во текот на јули месец да објавиме неколку кандидати“, рече Заев.

За претседателот на СДСМ и премиер Зоран Заев, најважно е да се изберат вистинските кандидати за избори.

„Очекуваме низ анкети, граѓаните навистина да ни кажат што преферираат и тоа ќе ни биде водилка. Сите можеме да бидеме корисни во форма на кандидати. Најважно е да направиме вистинска селекција на кандидати, бидејќи тоа се избор на личности. Партиите имаат важност, но многу мал. Самите личности, за советници, градоначалници, се доминантно пресудни во одлуката“, рече Заев.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов