На Косово фатен убиецот на Алфите кај ПМФ но и осомничен за петкратното убиство кај Смилковци

Од:

По 4 години бегство на Косово е уапсен Алмир Дрпљанин, македонски државјанин по кој македонската полиција трагала за повеќе кривични дела, меѓу кои и убиството и обидот за убиство на полициските Алфи кај ПМФ во 2008 година и разбојништво на ПРО КРЕДИТ банка.

Според информации на весникот „Лајме“ можно е Дрпљанин да се сомничи и за вмешаност во петкратното убиство кај Смиљковското езеро. Како што пренесува весникот на албански јазик идентитетот на уапсениот се уште не се открива, а истиот бил фатен на Косово , близу Урошевац. Повикувајќи се на неофицијални информации од косовската полиција весникот објави дека кај уапсениот биле пронајдени златен накит и две пушки „Калашников“.

Од МВР велат дека не е исклучена можноста Дрпљанин да е поврзан со петкратното убиство кај Смилковското езеро, но нема детални сознанија. Оружјето пронајдено кај Дрпљанин е испратено на вештачење, кое ќе помогне да се утврди дали има поврзаност со убиството кај Смилковксото езеро.

Алмир Дрпљанин во април 2010 година доби доживотен затвор за убиството на полицаецот Африм Арифи пред Природноматематичкиот факултет во Скопје. Керими Реџаил и Агим Ислами веќе ја издржуваат доживотната затворска казна за убиството кај ПМФ, додека за помагање на убијците 6 години затвор доби Рамадан Шакири.

На 26 ноември 2008 година, тројцата на паркингот пред ПМФ испукале 70 куршуми од автоматска пушка кон возилото марка „мазда“ во кое бил полицаецот Арифи и уште двајца полицајци. Арифи почина на самото место, а останатите полицајци заработија тешки повреди и останаа инвалиди.

 

Би можело да ве интересира

Приведени полицајци во врска со пожарот во „Пулс“ во Кочани

А1он

Обновување на форензички софтвер, нема набавка на „софтвер за шпионажа“, реагира МВР

Катерина Ѓуровски

СДСМ: МВРО-ДПМНЕ на старите патеки, МВР набавува сомнителен софтвер за прислушкување

Малолетници избоделе жител на Студеничани, со тешки повреди сместен во болница

Катерина Ѓуровски

СДСМ достави документи до ДКСК: Бара постапка за тендерот во МВР

Убиен за 10.000 евра бидејќи се сомневале дека предал дел од обвинетите за „Монструм“