Интензивно се одвиваат подготовките околу изградбата на нова винарска визба во Кавадарци од страна на германски инвеститор, информираат денеска од менаџерскиот тим на винаријата.
Германскиот сопственик планира новиот објект да биде готов до почетокот на бербата на грозје, до септември.
– За почеток треба да се откупат околу 10 милиони килограми на грозје од кои ќе се направат околу 7 милиони литри вино. Ќе се произведува само вино од повеќе вински сорти, не и ракија. Станува збор за чисто германски капитал. Се очекува да се вработат 20-тина луѓе, информираат од менаџерскиот тим.
Веќе се чисти теренот каде некогаш беше ладилникот во Кавадарци, за на негово место да се изгради новата винарска визба.