Љупчо Николовски продолжува со манипулации и дезинформации, надевајќи се на политички поени, дури и врз маката на луѓето од поплавениот скопски регион и уште еднаш го потврди тоталното непознавање за функционирањето на системите за одводнување, стои во демантот на МЗШВ.
„Министерството за земјоделство,шумарство и водостопанство се прашува за какви финансиски злоупотреби зборува Николовски кога во ниеден ревизорски извештај и во ниеден дел од извештајот на Државниот ревизор не е наведено дека средствата се исплатени неправилно и незаконски.
Министерството за земјоделство,шумарство и водостопанство уште еднаш ќе повтори дека, секое водостопанско претпријатие определува надзор кој на терен ја следи и потврдува извршената работа. Сите извештаи за времени ситуации, покрај надзорот, ги потпишува и изведувачот на работите, директорот на водостопанското претпријатие и директорот на Управата за водостопанство при МЗШВ“, велат од министерството.