Министерството за земјоделство, шумарство и водостопанство ги превзеде сите неопходни мерки уште при потпишување на договорот со индиската компанија „Сахара груп“ за комбинатот „Џумајлија“.
Поради не исполнување на обврските од договорот е активирана банкарската гаранција која веќе се наоѓа во поранешната Охридска банка сегашна „Сосиете женерал“, се вели во реакцијата на Министерството на соопштението на СДСМ.
Со ова не само што не е направена никаква штета, туку напротив во државниот Буџет, од каде што се субвенционираат и земјоделците влегуваат дополнителни три милиони евра. Следи, како што се наведува натаму, раскинување на Договорот со индиската компанија, не затоа што СДСМ сака, туку поради законските прописи.