Јавното претпријатие МЖ Инфраструктура апелира возачите да ја почитуваат поставената железничка сигнализација со што би се избегнале сообраќајните несреќи кои во последно време се позачестени.
Претпријатието денеска информира дека преку безбедносни камери се евидентирани случаи на непочитување на железничката сигнализација кај железничката пруга во Драчево од страна на возачи.
Снимките може да се најдат на веб страницата www.mzi.mk во делот активности по наслов „Вандалско однесување на учесниците во сообраќајот“ на вкрстувањето на патот со железничката пруга во Драчево.
Оваа активност е дел од кампањата за заштита и безбедност во сообраќајот промовирана од страна на МЖ Инфрастуктура со цел зголемување на безбедноста во железничкиот сообраќај.