МЗ: Започнува организиран скрининг за рана детекција на рак на грло на матка

Од:

Во рамки на заложбите на Министерството за здравство за заштита на женското здравје, токму на Меѓународниот ден на жената МЗ информира дека започнува со организиран скрининг за рана детекција на рак на грло на матка.

dobivaj vesti na viber

За закажување превентивен преглед за рана детекција на рак на грлото на матката од денеска е достапна веб платформата skrining.mk.

„Со организиран скрининг оваа година се опфатени жените на возраст од 36 до 45 години, кои во последните три години немаат направено ПАП тест. Прегледот во рамки на овој скрининг за оваа возрасна група е бесплатен.

Веб платформата skrining.mk е директно поврзана со системот МојТермин и матичниот гинеколог веднаш добива информација за пријавени пациентки, по што ги известува пациентките во кој термин е закажан прегледот. Согласно распоредот предвиден во планот за ПАП тестирање, матичниот гинеколог ги повикува жените информирајќи за точниот датум и час кога треба да се направи ПАП тестот“, соопштува МЗ.

„Мој термин во соработка со Националната комисија за рак на грло на матка изминатиот период интензивно работеше на оваа новина и за првпат на овој начин жените од предвидената група можат да се пријават да учествуваат во овој скрининг, а целта ни е да го зголемиме опфатот на жени кои ќе направат преглед, имајќи предвид дека раната детекција и превенција на ракот на грлото на матката е еднакво важна и во услови на пандемија.

Годинава се издвоени приближно 11 милиони денари за оваа потпрограма во рамки на Програмата за рана детекција на малигни заболувања.

Препорака на СЗО е жените вклучени во скринингот да се поделени во три возрасни групи и тоа од 24-35, 36-45 и 46-61 година. Интервалот на спроведување на скринингот е 3 години се со цел да се опфатат сите овие возрасни групи.

Ракот на грлото на матката е четврт најчест тип канцер кај жените во светски рамки, а во нашата држава во просек годишно заболуваат околу 150 жени од рак на грло на матка“, соопшти МЗ.

Апликацијата за пријавување е достапна на следниот линк

Би можело да ве интересира

Препораки за заштита на здравјето на населението од високите температури

Ана Ололовска

Касарната „Илинден“ е можна локација за новиот клинички центар, има политичка усогласеност за реализирање на проектот

Маја Илиевска-Пачемска

Матичните лекари од цела Македонија утре на штрајк пред Министерство за здравство: Ова е нашиот последен крик за спас

Маја Илиевска-Пачемска

Сали за поканата до Даниловски, Пановски и Марковски: Не е време за молење туку за засукани ракави

Маја Илиевска-Пачемска

Министерот за здравство ги покани Даниловски, Пановски и Марковски да бидат дел од Комисијата за заразни болести

Катерина Павлова-Николовска

Беким Сали е новиот министер за здравство

Ана Ололовска