Од Универзитетска клиника за нефрологија информираат дека привршуваат активностите со кои се реновираат оддели и се менува медицинскиот и немедицински инвентар во оваа јавно здравствена установа, соопштува Министерство за здравство.
– Станува збор за комплетно реновирање на првиот кат на клиниката, каде се сместени одделите за интензивна нега, одделот за трансплантација, како и одделот за акутна и хронична дијализа и хируршка сала за обезбедување васкуларни пристапи за хемодијализа, артеро-венски фистули, катетри и слично. Со реконструкцијата е предвидена комплетна промена на изгледот, која опфаќа инфраструктура, нови тоалети и санитарии и целосна промена на инвентарот, вели Министерство за здравство.
Се обезбедуваат и нови болнички кревети и помошен немедицински мебел. Воедно е направена и комплетна замена на инвентарот во работните простории на медицинскиот персонал, се додава во соопштението на МЗ.