МЗ: Постигнат значителен напредок во дијагностицирањето на деменциите

Од:

По повод одбележувањето на 21 септември – Светскиот ден посветен на Алцхајмеровата болест, Министерството за здравство денеска информира дека во изминатите три години во нашата земја е постигнат значителен напредок во дијагностицирањето на деменциите.​ ​

За таа цел дизајниран е посебен протокол, кој опфаќа проширени невропсихолошки тестови, лабораториски анализи за исклучување реверзибилни деменции, imaging-методи и најважно, одредување биомаркери за Алцхајмеровата болест.​

Постигнавме значителен напредок во дијагностицирањето на деменциите.​ Дизајниравме посебен протокол, кој опфаќа…

Posted by Венко Филипче on Понеделник, 21 септември 2020

– Протоколот е дизајниран со тимска работа и мултипрофесионална експертиза од повеќе релевантни институции, меѓу кои: Универзитетската клиника за неврологија, Клиниката за психијатрија, генетската лабораторија при МАНУ, како и Институтот за нуклеарна медицина каде со помош на методата мозочен SPECT се диференцираат типичните и атипичните форми на Алцхајмерова болест и Фронто-темпорална деменција, а од овој месец и Институтот за имунологија и хумана генетика каде се одредуваат биомаркерите за Алцхајмерова болест во цереброспинален ликвор, стои во соопштението.

Со оваа дијагностичка метода, како што се наведува, се овозможува прецизна и рана дијагноза на Алцхајмеровата болест, која е неопходна за точна дијагноза кај сите лица кај кои постои сомнеж за ран почеток, на возраст под 65 години.​ Токму точната и навремена дијагноза на Алцхајмеровата болест е неопходна во раниот стадиум на болеста, со цел почнување со соодветен третман и донесување одлуки за натамошна грижа.​ ​

Во Република Северна Македонија во моментов живеат околу 20.000 лица со Алцхајмерова деменција, а вкупниот број лица со деменции од сите типови достигнува и до 40.000.​

Во светот има околу 50 милиони лица со оваа болест, а до 2050 година се очекува овој број да се зголеми тројно и да достигне до 152 милиони.​

Алцхајмеровата болест се нарекува и епидемија на 21 век, имајќи предвид дека е најчестиот вид деменција.​ ​

– За таа цел, во континуитет работиме на кревање на свесноста за оваа болест, со цел поставување дијагноза во ран стадиум, како и овозможување социјална поддршка и реинтеграција на болните и нивните семејства во општеството, се вели во соопштението од Министерството за здравство.

Би можело да ве интересира

Филипче: Нема некоја значајна компликација на здравствената состојба на Спасовски

Ана Ололовска

Носењето заштитна маска задолжително, за неносење на отворено казна од 20 евра

Ана Ололовска

Владата го задолжи Филипче да го потпише и имплементира посебниот договор за набавка на лекот ремдесивир

Ана Ололовска

Вакцините против сезонски грип поскапи од лани, пристигнуваат наредната недела

Мери Јордановска

МЗ: Владата издвои 54 милиони денари за награда на здравствените работници

Ана Ололовска

ИЈЗ дневно ќе прави до илјада тестови, 150 повеќе од досегашните

Ана Ололовска