Министерството за здравство денеска соопшти дека Институтот за трансфузиона медицина располага со доволни количества од факторите на коагулација за возрасните лица болни од хемофилија.
– Сите центри и региони во Македонија за трансфузиона медицина располагаат со потребните количини на фактори на коагулација до крајот на годината. Дополнително, во рамките на Централна Аптека при Институтот за трансфузиона медицина, се располага со доволни количества на резерва на фактори на коагулација доколку се појави дополнителна потреба за покривање. Од друга страна, децата кои се на профилакса ќе бидат покриени со соодветната терапија со цел да не се доведе ниту еден живот во опасност. Министерството за здравство остварува чести средби со таргетираните групи и останува отворено за соработка, со цел решавање на проблемите со кои се соочуваат, се наведува во соопштението од Министерство за здравство.