МЗ: Чесно е Димитров да каже дека не присуствуваше на повеќето седници за ковид мерките

Од:

Министерството за здравство соопшти дека е изненадено од, како што наведува, „непромислената изјава на вицепремиерот Никола Димитров, со која покажува значителна несериозност кон ковид пандемијата“.

Вицепремиерот денеска на пресконференција истакна дека неговите позиции во Владата „во однос на колегите биле различни на многу теми, како и приодот и мерките против пандемијата“.

– Чесно е Димитров, да каже дека на многу седници на Главниот координативен кризен штаб или на Владата кога на дневен ред беа токму тие точки, тој не ни присуствуваше, туку на седниците го заменуваше државниот секретар. Кога седниците, пак, беа „удостоени“ со присуството на вицепремиерот, тој во ниту еден момент не се спротивстави на препораките и на мислењата на стручната лекарска фела која до Владата препорачуваше и советуваше во кои насоки да се движат мерките за заштита од ширење на Ковид-19. Димитров, апсолутно го делеше мислењето со колегите, потенцираат од Министерството за здравство.

Кризата предизвикана од ширењето на коронавирусот, како што посочуваат од Министерството, е една од најголемите во модерното време, а тоа бара одговорно однесување и дејствување во сите сегменти на општеството.

– Од Ковид-19 сите трпиме последици, дури и државите кои имаат најорганизиран систем, затоа е важно како ќе реагира секој поединец и како ќе ја разбере својата улога во општетсвото. Оттука неразбирливи се причините поради кои Димитров истапува во јавноста со вакви ставови, истакнуваат од Министерството за здравство.

Би можело да ве интересира

Меџити: Информацијата за укинување на организациските директори доставена до Владата

Ана Ололовска

Европарламентарците дадоа поддршка, С. Македонија да добие 100 милиони евра за реформски процеси и економска стабилност

Ана Ололовска

Владата ги усвои стратегиите за спречување на насилен екстремизам и борба против тероризам 2023-2027 година

Ана Ололовска

Ковачевски: Не размислувам за оставка, мандатот не ми е поврзан со уставните измени

Орце Костов

Владата усвои сет препораки за училиштата за подигнување на безбедноста во училишните објекти

Горан Наумовски

Влада: САД директно и порачаа на опозицијата да го поддржи европскиот пат на државата и уставните измени