Најмалку 17 лица се приведени досега во акцијата што денеска ја спроведува полицијата во неколку градови низ Македонија за разбивање на организирана група за шверц на цигари.
Според првичните сознанија, приведени се лица во Скопје, Тетово, Струмица, Берово и Делчево. Меѓу приведените е и припадник на граничната полиција. Неколку лица се во бегство и по нив полицијата трага.
Приведените и лицата во бегство се осомничени дека од 2010 од Албанија и од Косово илегално внесувале цигари во Македонија, ги складирале во импровизирани магацини во Скопје и во близина на македонско – бугарската граница.
Полициската акција се уште трае, а повеќе детали од МВР се очекуваат по нејзиното завршување.
