СВР Скопје расчисти кривично дело „убиство во обид” и кривично дело „предизвикување општа опасност”.
„Во врска со кривично правниот настан случен на 29.8.2024 околу 21 часот во скопското село Арачиново, каде што со огнено оружје е пукано кон А.И. (25) и В.Б. (29) од селото, при што со прострелни рани се здобил А.И. и бил пренесен во комплекс клиники „Мајка Тереза“ за укажување на лекарска помош, од страна на полициски службеници од Единицата за насилен криминал – Одделение за крвни и сексуални деликти извршени се претреси на повеќе локации, при што од слобода е лишен Е.А. (22) од с.Арачиново. Од страна на ЕНК-ОКСД поднесена е кривична пријава против Е.Б. (29), В.А. (27) и Е.А. (22), сите од Арачиново за кривично дело обид за убиство и кривично дело „предизвикување општа опасност”. Од страна на судија на претходна постапка на лицето Е.А. определена му е мерка притвор во времетраење од 30 дена.