Вчера околу 05.45 часот во ОВР Прилеп било пријавено дека на улицата „Браќа Миладиновци” во населба Точила во Прилеп се случила сообраќајна несреќа помеѓу автобус „Ман” со прилепски регистарски ознаки, управуван од 60-годишниот Г.С. од Прилеп и автобус „Мерцедес” со прилепски регистарски ознаки, управуван од 68-годишниот Ц.Ц. од Прилеп, двата превозници на работници од фирми, од кои едниот бил празен, а другиот бил со патници, информира МВР.
– Во несреќата седум лица (К.Н., П.Т., М.И., М.Д., Б.П., Д.Ѓ. и А.М.) се здобиле со тешки телесни повреди, а 33 лица се здобиле со телесни повреди, констатирани во Општа болница Прилеп, соопшти МВР.
По овластување на јавен обвинител, увид на местото извршила екипа на ОВР Прилеп.