Припадниците на Секторот за внатрешни работи – Скопје во текот на изминатава недела, врз основа на судски наредби на подрачјето на главниот град, лоцираше и приведе седум лица осудени на затворски казни со правосилни судски пресуди во вкупно времетрање од 13 години затвор.
Како што соопшти МВР, приведени се Идавер Б. (58) од Скопје, Марин П. (45), Ѓоко Ѓ. (24) и Митко С.(42), сите од Скопје, осудени на затворска казна од по една година за кривично дело – „тешка кражба“, додека за истото дело Љупчо З. (38) од Скопје е осуден на затворска казна од три години, а Дилавер Р. (53) од Скопје на две години и шест месеци.
Меѓу приведените е и 67-годишниот Иснифарис Џемаили, за „перење пари и друга противправна имотна корист и злоупотреба на службена положба и овластување“ е осуден на затворска казна од три години и шест месеци.