Во врска со настанот од 19-ти овој месец во Гевгелија, каде што повеќе граѓани ја прекршија забраната за движење согласно уредбите на Владата, Министерството за внатрешни работи, односно надлежните служби во текот на денов од веќе идентификуваните 18 лица учесници на настанот, извршиле службени разговори со осум лица, а за останатите десет лица се во тек достави на покани за разговор во надлежната полициска станица.
„Исто така, по целосно документирање на настанот против сите инволвирани ке бидат поднесени соодветни казнени пријави, а целокупната постапка е во координација со надлежен обвинител при ОЈО Гевгелија“, соопштуваат од полицијата.
Ова следува откако на социјалните мрежи беше објавено видео на кое голем број лица во Гевгелија, на улица играат оро, славејќи го празникот Велигден, за време на полицискиот час и забраната за движење.