Полициски службеници од ОВР Кочани денеска прекинаа свадбена прослава, а од слобода лишија пет лица, информира МВР.
– На 03.04.2021 околу 14.00 часот во ОВР Кочани е пријавено организирање на свадбена прослава на улицата Шукри Шаин во Кочани на која биле присутни повеќе граѓани. Веднаш по пријавата, на местото на настанот се упатиле полициски службеници од ОВР Кочани и по консултации со дежурен јавен обвинител од ОЈО Кочани од слобода се лишени пет лица, а свадбената прослава е прекината, соопштува Министерството за внатрешни работи.
По целосно документирање на случајот ќе бидат поднесени кривични пријави по чл. 206 од КЗ „Непостапување според здравствени прописи“.