МВР потврди дека две лица починале по пукање во локал во стара чаршија во близина на скопското Кале.
„На 06.03.2023 во 20.11 часот во СВР Скопје пријавено е дека во угостителски објект во Скопје неколку лица пукале кон Ј. К. и Е.И., кои починале на лице место, и кон А.Т., кој е пренесен во болница за укажување лекарска помош. Се преземаат мерки за расчистување на случајот“, се вели во првичното соопштение од МВР.
Местото го обезбедуваат неколку полициски екипи и пристапот е ограничен, во тек е увид.
Како што веќе објави А1он, очевидци на инцидентот тврдат дека убиените се две лица добро познати на криминалното подземје.
Според познавачите се работи за Јетон Кривањева – Жила кој се поврзува со мафијата од Грчец, и Енес Исеинов викан Лаци.
Дали се работи за криминална пресметка допрва ќе се утврдува. Убиството се случило пред сведоци кои биле присутни во кафе барот, но и околните локали во чаршијата.
Според информациите на А1он во престрелката се повредни најмалу седум лица, но МВР засега има потврда само за еден повреден – А.Т за кој информираат дека со повреди е пренесен во болница за укажување на лекарска помош.