Засилени контроли на сообраќајната полиција вечерва, во новогодишната ноќ, ќе има на автопатиштата и на скопската обиколница, како и на улиците во Скопје и во сите други градови во државата, информира Министерството за внатрешни работи, упатувајќи апел да се вози внимателно и да се празнува одговорно.
-Министерството за внатрешни работи апелира до граѓаните да ги почитуваат сообраќајните прописи и заеднички да придонесеме за безбедни патишта и улици. Сообраќајната полиција и во текот на празниците ќе ги санкционира сите оние што ги кршат законите, стои во соопштението од МВР.