МВР до ОБСЕ: Внимавајте кого ангажирате како предавач!

Од:

Министерството за внатрешни работи во однос на денешната ситуацијата на Државниот универзитет во Тетово каде требаше да се одржи регионалната работилница организирана од страна на Мисијата на ОБСЕ во Скопје, изразува жалење за скандалот што се случи, но револтот на полициските службеници кои го искажале со напуштање на просторијата е разбирлив со оглед на фактот што во улога на предавач односно инструктор се јавува лице кое секојдневно ја напаѓа и навредува полицијата.

Министерството за внатрешни работи јавно апелира до Мисијата на ОБСЕ во Скопје во иднина да прави проверки кого ангажира, бидејќи е неприфатливо лица кои нанесуваат штети од стотици илјади евра, кои рушат споменици, ја напаѓаат и навредуваат полицијата во исто време да бидат и нејзини едукатори.

Досега Министерството за внатрешни работи и Мисијата на ОБСЕ во Скопје имаа долгогодишна и бездруго, повеќе од успешна соработка со голем број на реализирани проекти, работилници и обуки кои се надеваме дека ќе продолжат и во иднина, реагираат од МВР по инцидентот на работилницата во Тетово, кога како инструктор бил ангажиран Павле Богоевски од Шарената револуција.

Би можело да ве интересира

МВР: Се истепале вработени во здравствена установа во Скопје

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ

Приведена тетовка барана со потерница