Министерството за внатрешни работи информира дека е расчистен случајот со нападот на градоначланикот на Крива Паланка на полициски службеник. Од МВР велат дека по пријавата од полицаецот Кристофер Стоевски за напад од градоначалникот Сашко Митовски бил изврешен разговор ос Митовски и со сведок на настанот. Најавуваат поднесок против него.
– Во врска со пријавата од К.С. во ОВР Крива Паланка дека на 14.01.2023 бил физички нападнат од С.М., преземени се мерки и активности за расчистување на случајот и во полициска станица е извршен службен разговор со С.М., како и со сведок на настанот. По целосно документирање на случајот, ќе биде поднесен соодветен поднесок против С.М. се наведува во соопштението од МВР.
Полицаецот Стоевски излезе со јавно тврдење дека бил шамаран од градоначалникот, а откако седеле во иста кафеана. На ова, градоначалникот Митовски излезе со контра тврдење дека со полицаецот имале претходно нерасчистени сметки.