Министерството за внатрешни работи по успешното идентификување денеска го уапси напаѓачот на пратеникот и претседател на ЛДП, Горан Милевски.
Оваа информација за А1он и Макфакс ја потврди лично Милевски кој вели дека се работи за лицето П. В. од Кисела Вода.
-Напаѓачот е приведен, не повикаа утре со обвинителот во станица на распознавање, вели Милевски.
Откако беше објавена фотографијата на напаѓачот, поголем број граѓани кои го познаваат се обратиле до МВР по што полицијата се впуштила во акција.
Милевски беше нападнат на 25 март оваа година на градскиот плоштад во Скопје.