Со донација од прехрамбени артикли Министерството за внатрешни работи на Република Македонија ја поддржа денешната акција на Амбасадата на САД за дарување крв и храна, во соработка со Црвениот крст на град Скопје и Институтот за трансфузиологија.
Во име на Министерството донацијата ја предаде министерот за внатрешни работи Оливер Спасовски.
Со оваа акција Амбасадата на САД го одбележа 14-ти Септември, Националниот ден на служба и сеќавање на САД. Овој ден започна да се одбележува во 2002 година како начин на гледање напред, преку добротворни служби да се покаже почит кон жртвите, преживеаните, како и сите оние што помогнаа во справувањето со последиците од нападите на 11 септември 2001 година.
Со акцијата ќе се помогне за дополнување на резервите од крв на Црвениот крст и ќе се обезбеди храна и други потребни залихи за загрозени семејства за претстојната зима.