Кумановската полиција извести дека тринаесетгодишно девојче од Куманово во несреќен случај се удавило во базенот во Стара Бања.
– Девојчето околу 15.30 часот дошло со уште две другарки да се капе во базенот. Откако влегле внатре девојчето скокнало во базенот и од присутните деца била забележана дека дава знаци на давење и истата била изнесена надвор каде децата и укажале прва помош по што ја повикале Итната медицинска помош. Увид на местото на настанот извршиле јавен обвинител и екипа на СВР Куманово. Лекар од итна медицинска помош констатирал смрт – велат од кумановската полиција.