Министерството за внатрешни работи денеска преку соопштение ја информира јавноста дека ќе се преземат низа мерки и активности, како и зајакнати контроли со цел одржување на јавниот ред и мир во пресрет на меѓународните фудбалски натпревари во Скопје закажани за денес и утре.
Во рамките на квалификациите во Лигата на шампиони вечер со почеток во 20:15 часот на „Телеком Арена“ Шкендија го дочекува ТНС од Велс, додека утре на стадионот „Петар Милошевски“ Работнички е домаќин на Хонвед (Унгарија).
– Апелираме до граѓаните кои ќе ги проследат натпреварите да се воздржуваат од дејствија кои го нарушуваат јавниот ред и мир, а со цел да поттикнат насилство и други кривични дела. Министерството за внатрешни работи нема да покаже никаква толеранција кон насилство, нарушување на јавниот ред и мир и други кривични дела во рамки на Законот за спречување на насилство и недостојно однесување на спортски натпревари, соопштија од МВР.
Министерството упати апел до сите граѓани, особено до навивачките групи, на фер и спортско навивање.
