Партијата на Обединети демократски сили на Ромите ја поддржува кандидатурата на Славчо Чадиев за градоначалник на Велес од редовите на ВМРО- ДПМНЕ и коалицијата „За подобра Македонија“.
Министерот без ресор Неждет Мустафа и Шабан Салиу, директор на Дирекцијата за заштита и спасување и претседател на партијата, ги повикаа велешките Роми да го дадат гласот за Чадиев зашто сметаат дека ВМРО ДПМНЕ отсекогаш ги ценела вредностите на малцинствата и првпат ја афирмирала Декадата за Ромите.
– Сето она што е направено за Ромите со доаѓањето на претседателот на Владата Никола Груевски е подем за ромската заедница во сите сфети на живеење и затоа нашата партија продолжува со поддршката на ВМРО-ДПМНЕ, истакна Салиу.
Мустафа и Салиу имале средба со Чадиев на која разговарале како во иднина да се подобри состојбата на Ромите во општина Велес.