Дебатите треба да се базираат врз почитување на факти и соговорник. Ако фактите се почитуваат ќе видите дека во бошњачките општини, СДСМ има многу повеќе гласови отколку ВМРО-ДПМНЕ, рече пратеникот Ферид Мухиќ.
– Сите сме претставници на народот, невозможно е вие од ДПМНЕ да го сакате народот повеќе од сите други. Фактот што толку Албанци гласале за македонска партија значи зголемена свест. Јас апелирам дека час поскоро треба да се избере претседател на Собранието, кажа Мухиќ.
Илија Димовски во контра реплика рече дека недостасуваат факти, бидејќи обидот да се формира парламентарно мнозинство се базира на закон за јазици, а никој досега го нема видено тој предлог-закон.