Морина се врати на Косово

Од:

Поранешниот припадник на ОВК Томор Морина по излегувањето од притвор, вечерва се вратил во Косово.

Косовската Коханет, објави видео и информација дека Морина влегол на Косово околу 19 часот на граничниот премин Блаце.

Според Коханет, Морина не сакал да даде изјава за медиумите, додека членови на неговото семејство кажале дека е во добра здравствена состојба и бил добро третиран од властите во Северна Македонија.

Претходно неговиот адвокат Насер Рауфи, изјави дека Морина по излегувањето од притвор заминал за Приштина со косовски пасош.

Морина поседува и британска патна исправа, која му е задржана од Основниот кривичен суд во Скопје со мерките за претпазливост.

Кривичниот суд, постапувајќи по барањето од Србија преку Интерпол, одлучи дека не се исполнети условите за негова екстрадиција, што беше потврдено и од Врховниот суд.

Томор Морина беше уапсен на граничниот премин Блаце на 24 јули при влез од Косово во Северна Македонија.

Би можело да ве интересира

Од утре заедничко гранично управување со Србија

Харадинај: Ќе ја задржам Србија надвор од Косово

Ана Ололовска

КАС: Увозот од Србија во Косово намален од 12,3 отсто на 0,7 отсто

Ана Ололовска

Вонредните парламентарни избори на Косово ќе чинат околу шест милиони евра

Ана Ололовска

Партиите на Лимај и Пацоли договорија предизборна коалиција

Коснет: Косовското Собрание донесе значајна одлука за формирање Влада со нови идеи