Министерството за образование и наука спроведува јавна консултација и со стручната и академска јавност ја споделува финалната нацрт-верзија на Сеопфатната стратегијата за образованието 2018-2025.
Како што информира МОН, изминатиов период работеле интензивно на креирање на Сеопфатната стратегија за образованието 2018-2025, односно на создавање нов стратешки документ за образовни политики.
Коментарите и предлозите за натамошно подобрување на Сеопфатната стратегија за образованието може да се достават најдоцна до 10 ноември 2017 година на електронската адресa – [email protected] или до архивата на МОН, улица „Св. Кирил и Методиј“ бр. 54.
Сеопфатната стратегија за образование 2018-2025 ќе биде предмет на јавна расправа, а по завршувањето на овој процес ќе биде усвоена на седница на Владата.
Финалната нацрт-верзија на Стратегијата за образование 2018-2025 може да се преземе на веб-страницата на МОН.