Најголемата опозициска партија СДСМ наместо неосновано да критикуваат и навредуваат, да бидат креативни, посветени и да се вклучат во остварувањето на целта, апелираше Министерството за образование и наука (МОН).
„Навредливо е што политичката партија СДСМ го оценува ангажманот на вработените во Министерството за образование и наука и ги обвинува за неизвршување на работните обврски. Тоа е недозволиво за некој што претендира да раководи со институциите на системот, вклучувајќи го и ова министерство. Притоа, потсетуваме дека имал искуство со неговото менаџирање, односно со менаџирањето на истите вработени кои сега ги критикува, но без никаков ефект и траен позитивен белег“, се истакнува во реакцијата.
Се додава дека министерството за образование и наука имплементира и ќе продолжи да имплементира конкретна стратегија за континуирано унапредување и создавање на современ и конкурентен образовен систем, во пошироки размери, како обврска кон сите сегашни и идни генерации ученици, студенти, наставници, професори и научници.