Министерството за образование и наука распиша оглас за вработување во кој стои дека за работната позиција, помлад соработник за јавни набавки, потребно е кандидатите да имаат завршено кинезиологија.
Од министерството велат дека во Одделенито за јавни набавки имало веќе еден вработен со ваков факултет, па поради тоа оваа спецификација морала да остане и за новиот конкурс или во спротивно лицето кое е веќе примено со завршена кинезиологија треба да биде отпуштено.
– Ако го тргнеме од систематизацијата практично тоа ќе значи дека неговиот работен однос се прекинува. Кога распишувате оглас мора да стојат веќе постоечките работни квалификации на веќе вработените – велат од МОН.
Оттаму исто така велат дека документите на сите кандидати, и на оние кои аплицираат со завршен факултет по кинезиологија, ќе бидат разгледувани и рангирани согласно критериумите.
Виктор Јованов