Денеска во водите на Преспанското езеро се удавило момче од Ресен, откако се превртела педалинка на која бил тој со неговите двајца другари.
Тие успеале да се извлечат од под педалинката, а 16-годишниот И.М не успеал да исплива на површината.
„Во 18:18 часот во ПС-Ресен, од ИМП било пријавено дека во туристичката населба-Претор, во водите на Преспанското езеро, исчезнал И. М. (2004) од Ресен. На лице место се упатени Служби“, потврдуваат од МВР.
По телото на момчето се уште се трага. Во потрагата се вклучени и нуркачи од Охрид.