Седумнаесет годишниот Х.И. е убиен денеска во село Матка, Скопско, од страна на Е.А. (2000) со нож во меѓусебна тепачка.
Како што информираат од МВР, инцидентот се случил околу 15 часот на влезот од селото Матка при што Е.А. го прободел со нож во пределот на градниот кош малолениот Х.И., кој починал на самото место.
Лицето можен сторител е приведено во полициската станица „Ѓорче Петров“ и се работи на расчитување и документирање на настанот, изјавија од МВР.
Засега од МВР потврдуваат дека во тепачка учествувале две момчиња. Не се познати причините и мотивот за расправијата која потоа прераснала во тепачка со трагичен крај.
