МОФ: Неправилности и ниска излезност за избор на студентски лидер

Од:

Младинскиот образовен форум реагира за изборите на студентски лидер. Според нивните набљудувачи и репортери, изборите за претседател на СПУКМ биле  со неправилности и ниска излезност.

Според информациите  било забележано доцнење со отворање на изборите на многу факултети како и предвремено затворање на избирачки места, со што се прекршиле правилата за времетраење на гласањето. На дел од гласачките места се забележани промотивни материјали за кандидатите на самиот простор каде се врши гласањето, како и негарантирање на тајноста при гласањето.

Изборите, стои во извештајот,  беа спроведени со неподготвени комисии. При самото гласање биле забележани: повеќекратно гласање, агитирање, и гласање без индекс.

Студентскиот Парламент на Универзитетот „Св. Кирил и Методиј“  известувi дека од целокупниот обработен гласачки материјал вкупниот број на студенти кои гласаа на овие избори е 8.522. Според СПУКМ, целиот изборен процес поминал во фер и демократска атмосфера и ниту еден од тројцата кандидати немале забелешки на изборниот процес и изборните резултати.

Според освоените гласови, нов лидер на студентите е Кирил Спироски од Правниот факултет „Јустинијан Први“.

 

 

 

Би можело да ве интересира

Рама повторно ги повика студентите на дијалог, овојпат на камена маса

Јаневска: Блиску сме до решение за студентскиот оброк, се разгледува ваучерски систем

Растат тензиите во Албанија: демонстранти ги запалија перничињата поставени како симболична покана за дијалог пред седиштето на Еди Рама

A1on

Левица: Планира ли некој да ја извести Јаневска дека студентскиот оброк, спротивно на Закон, три години не е покачен или свесно продолжува да лаже?!

Горан Наумовски

Левица: Три години студентскиот оброк e без усогласување, студентите се оштетени за 6,5 милиони евра

Горан Наумовски

Левица: ВМРОвскиот закон за студентски стандард со каталог на заострени казни го штити системот од студентите