Министерството за одбрана во реакција на на соопштението на ВМРО-ДПМНЕ наведува дека е посветено на согледување на состојбите од нетранспарентното и штетно раководење на овој ресор од претходната Влада и оти нема намера да навлегува во полемики со политичките партии.
– Јавноста ќе добие увид во финансиската состојба во Министерството и ќе процени самата кој го нарушил статусот и достоинството на вработените во АРМ и одбраната. Но, дури и ВМРО-ДПМНЕ го потврди она што Министерството за одбрана го обелодени, а тоа е дека договори во вредност од 80 милиони евра за кои јавноста го критикуваше министерот и Владата со месеци, беа раскинати на само два дена пред именувањето на новата Влада, очигледно поради страв од можни кривични последици, се вели во реакцијата.