МО: АП „Криволак“ прерасна во современ домашен и НАТО капацитет, во 2022 тука ќе се одржат седум меѓународни вежби со над 5.000 учесници

Од:

Министерката за одбрана Радмила Шекеринска денеска заедно со претставници од Генералштабот и Армијата и претставници од Амбасадата на САД ќе бидат во посета на Армискиот полигон „Криволак“ и ќе направат увид во реконструктивните активности кои се извршуваат на повеќе локации во самиот полигон.

Како што соопшти Министерството за одбрана, со инвестиции во патната инфраструктура, објектите, обнова на полигоните за обука, Армискиот полигон Криволак“ добива нов, модернизиран и современ лик.

-Во 2022 на полигонот Криволак ќе се одржат седум меѓународни вежби – со учество на 5.200 припадници на сојузничките армии, како и на Армијата на Северна Македонија. Најголема меѓу нив е вежбата SWIFT RESPONSE – 22, на која е најавено учество на околу 4.000 учесници од армиите на САД, ОК, Италија, Франција, Црна Гора, Албанија и од Северна Македонија, се вели во соопштението.

Од ресорното министерство потсетуваат дека реконструкцијата на АП „Криволак“ започна во 2020 година. Се работеше и активно се работи на зачувување на постоечката и воспоставување на нова патна инфраструктура, а во овој период се градат, реконструираат и санираат објекти, санитарни јазли и пречистителни станици. Во периодот што следува е предвидена набавка на нови 32 контејнери за сместување, со што ќе се зголеми сместувачкиот капацитет на полигонот.

Припадниците на Инженерискиот баталјон, во изминатиов период, како што се наведува, самостојно работеа на пробивање на нови патишта за изградба на обиколницата на полигонот Криволак, но и на реконструкција на постоечката инфраструктура и внатрешно поврзување со цел да се обезбеди комплетно патно поврзување на полигонот во вкупна должина од 75 километри.

-Со поддршка на 15. Инженериски баталјон на Армијата на САД, Инженерискиот баталјон на Армијата минатата година работеше на изградба на нови содржини, полигони со подвижни и неподвижни цели за оклопни возила, полетно – слетна патека за беспилотни летала, магацин за складирање на мети, се со цел овој наш ресурс да стане еден препознатлив НАТО ресурс за обука и тренинг, се вели во соопштението од Министерството за одбрана.

Би можело да ве интересира

Петровска: Пристигнато е ново барање од украинска страна за воена помош во моментов се разгледува

Горан Наумовски

Петровска со иницијатива за подигање спомен обележје во Тетово за загинатите во масакрот кај Вејце

Ана Ололовска

Петровска: Речиси 90 милиони евра за воена опрема, учеството во странски мисии ќе чини над 10 милиони евра

Орце Костов

Шекеринска – Брнз: С. Македонија и САД споделуваат исти вредности, двете држави испишаа историја

Ана Ололовска

Министерството за одбрана годинава ќе биде домаќин на најголемата конференција за стратегиски комуникации на НАТО

Ана Ололовска

Шекеринска: Мандатарот ќе одлучи за идниот министер за одбрана, се работи за чувствителен сектор

Ана Ололовска