Министерството за надворешни работи на Република Северна Македонија преку писмено соопштение информираше дека во соработка со Министерството за надворешни работи на Црна Гора и Косово, утрово организирало враќање на 63 македонски граѓани во својата земја, со еден автобус и 19 автомобили, кои ќе бидат сместени во задолжителен карантин, согласно мерките за заштита од пандемијата.
– Истовремено, со автобусот на пат кон Црна Гора, овозможивме 15 црногорски граѓани да се вратат во нивната земја, велат од МНР.
Министерството за надворешни работи упати благодарност кон црногорските и косовските власти за соработката, непречениот транзит и солидарноста.