Министерството за надворешни работи преку соопштение го осудува денешниот инцидент во Австралија каде дел од гласачите беа снимани и фотографирани, а потоа објавени на социјалната мрежа „Фејсбук“.
„Како институција директно поврзана со процесот на гласање на дијаспората во македонските ДКПа, МНР најостро го осудува објавувањето на снимки на социјални медиуми како и навредите кон македонски граѓани во Австралија, кои решиле да излезат и да гласаат на референдумот“, се наведува во реакцијата на МНР.
Од министерството додаваат и дека ова претставува директно прекршување на основното демократско право на гласање. Локалните власти во Австралија се веќе известени за настанот велат од МНР и додаваат дека во најкус можен рок ќе се преземат сите законски мерки за санкционирање на чинителите.