Вчера попладне во Скопје се случил инцидент во кој млад возач на „Мерцедес“ се обидел да побегне од сообраќајците кои го запреле и притоа удрил и повредил полицаец, соопшти МВР.
„На 10.06.2021 околу 15.00 часот на бул.„Крсте Мисирков“ во Скопје, полициски службеници го лишиле од слобода М.Б.(24) од Скопје, затоа што не почитувал дадена наредба и со патничко возило „мерцедес“, со скопски регистарски ознаки, кое го управувал, удрил полициски службеник“, се вели во билтенот на МВР.
Тој бил приведен во полициска станица и по целосно документирање на случајот, против него ќе биде поднесена соодветна пријава, додаваат од полицијата.