„Сите контакти и комуникации со „Сахара груп“ одат преку мене и Агенцијата со која што јас раководам. Јас немам такви информации“ рече за А1, Мизо.
Тој рече дека до крајот на септември „Сахара груп“ треба да испрати план и програма за нивниот план за инвестирање во Македонија, конкретно во Охридско Преспанскиот регион и што понатаму.
И дел од менаџерите во хотелот Славија кои инсистираа на анонимност беа изненадени од вакавите информации. Рекоа дека прв пат слушаат оти хотелот со кој менаџираат е продаден или дека воопшто се продава. До нас како хотел до сега не е стигнато никакво писмо за намери, или некаков договор за купопродажба рекоа тие.
Неофицијално Индијците навистина биле заинтересирани да станат сопственици на хотелот Славија, но пробем како што дознаваме е хипотеката врз Славија која ја има Комерцијална банка. Најпрво велат треба да се плати хипотеката па дури потоа да се размислува за продажба на хотелот, чија вредост се проценува од 3,5 милиони евра па нагоре.
Низ Охрид кружат информации дека покрај за Славија, се воделе преговори и за купување на Хотелот Орце Николов кој сега е во сопственост на приватна компанија. .Хотелот е стар повеќе од пет децении.
Неофицијално при последната посета на Охрид,пред три недели Рој и претставници на „Сахара груп“ имале среда со дел од менаџерите и сопствениците на хотелите за кои се зборува дека ќе бидат купени, но и со преставници државните агенции.
Како што А1 објави пред неколку дена Индијците сакаат да купат хотел во Охрид, од каде би ги координирале сите активности поврзани со реализација на најавената инвестиција во овој регион.