Кандидатот за градоначалник на општина Ѓорче Петров од коалицијата „За подобра Македонија“ Сокол Митровски во рамки на еколошката акција „За чисто и зелено Ѓорче“ што почна денеска во општината, најави низа активности за подобрување на животната средина.
Целта на акцијата, како што рече, е Ѓорче Петров да стане поубаво место за живеење, со нови садници и чисти јавни зелени површини.
– Во мојата програма, предвидени се повеќе проекти за оваа цел, зголемување на бројот на садниците на територијата на општина Ѓорче Петров, проектот „Нула толеранција за дивите депонии“, чистење и одржување на коритата на реките Вардар и Лепенец на деловите кои спаѓаат во нашата општина, одржување на дворовите во основните училишта и градинките, проектот за формирање тим за волонтери за одржување на животната средина, селектирање на отпадот, доизградбата на градскиот парк, изјави Митровски.
Тој додаде дека се планира и реализација на проекти за разубавување на училишнииот простор и изградба на три нови паркови во Дексион, Даме Груев и Хром.