Вечерва на плоштадот Методија Андонов – Ченто ВМРО-ДПМНЕ и партиите од коалицијата „За подобра Македонија“ го одржаа својот промотивен митинг, каде што актуелниот градоначалник на Прилеп , Марјан Ристески, ја побара довербата за трет мандат од прилепчани. Беше промовирана и советничката листа, чиј носител е Никола Димески.
Се собраа околу 5-6000 приврзаници за поддршка на актуелниот градоначалник и кандидат на владејачката коалиција, Марјан Ристески, кој ја промовираше својата програма со голем број проекти, како што рече тој, „за подобар и европски Прилеп“. Тој истакна дека прилепчани знаат да го препознаат напредокот на Прилеп, но и да го наградат. За наредните 4 години Ристевски понуди програма која претставува обврска да се реализира сè она што е ветено.
Главнот акцент ќе биде ставен на економскиот развој и на нови вработувања..Нови 78 социјални станови во населбата Точила,изградба на современ транспотрен центар и реконструкција на постоечката железничка станица.Јавен градски превоз и слободен превоз за сите пензионери во Сабота- порача градоначалникот Марјан Ристески.
Пред прилепчани се обратија и дел од коалиционите партнери, како и претседателот на ВМРО-ДПМНЕ, Никола Груевски.
Ние решаваме поголем број на проблеми за пократко време, тоа што е ветено најголемиот дел и остварено.Гледајте кој создава дела, кој го гради Прилеп. Се изградија слободни индустриска зони,кои треба да отвараат нови работни места во Прилеп,на кои ќе се градат нови погон – изјави Груевски.