Изработка на проект за проширување и реконструкција на улицата „Босна и Херцеговина“ и изработка на техничка документација за делот од булеварот „Христијан Тодоровски Карпош“ до обиколницата, со што ќе се добие ново сообраќајно решение и алтернатива за жителите од општина Бутел.
Ова го вети кандидатот за градоначалник на Град Скопје на ВМРО-ДПМНЕ и коалицијата „За подобра Македонија“, Коце Трајановски на вечерашниот мини-митинг во скопски Бутел.
Тој истакна дека во новата програма за наредниот четиригодишен период во Бутел ќе се реализира реконструкција и изградба на повеќе фекални и атмосферски канализации и многу други проекти.
Кандидатот за градоначалник на општина Бутел од ВМРО-ДПМНЕ, Петре Латиновски од присутните побара поддршка за неговиот трет последователен мандат за продолжување на реализација на проекти во насока на подобрување на животот на жителите на општина Бутел.