Митева: Ковачки читаше дел од вештачењето што Петровска сама го нарачала за да и биде поверодостојна тужбата во која бара 10 илјади евра

Од:

Реакцијата на власта за наводна одбрана на Славјанка Петровска е уште еден доказ за нивните манипулативни методи, со кои се обидуваат пред се да ја сокријат вистината, а со тоа да презентираат лажна жртва на министерка од нивната влада вели портпаролката на ВМРО-ДПМНЕ Марија Митева.

– Жестоко и бурно се спротивставуваме на обидите пратеникот Драган Ковачки да биде обвинет за наводна злоупотреба на нечија дијагноза, од причина што тоа што беше презентирано од негова страна е дел од вештачење кое патем го нарачала самата Славјанка со цел нејзината тужба за клевета кон пратеникот Драган Ковачки да делува по веродостојно и вистинито за што бара наплата од 10.000 евра. Вештачењето самата Славјанка го нарачала, а документот кој пратеникот Ковачки го читаше од собраниска говорница не го направил по сопствено барање, ниту го добил од истрага, туку го добил тоа психијатриско вештачење како документ лично од Славјанка Петровска, кое ако се прочита такво какво што е, таа треба да си поднесе оставка, ако не е нејзината состојба таква каква што е наведена. Втората можност е министерката за одбрана свесно, да извршила влијание над специјалистот психијатар, да направи извештај во кој што ќе ги преувеличи нејзините последици после медиумското соочување со пратеникот Ковачки, а се со цел да самата министерка го добие судскиот случај и паричното побарување од 10.000 евра вели Митева.

Портпаролката на опозициската партија вели дека јавниот интерес се состои од тоа што додека Славјанка Петровска не пријавила имот и лаже на национални телевизија дека не поседува имот кој што не е пријавен во анкетен лист беше демантирана и презентирано на јавноста од страна на пратеникот Драган Ковачки.

– Воедно да биде ситуацијата полоша од актуелната потврдува и фактот што пред само неколку дена на друга телевизија во интервју, Славјанка Петровска потврди дека адресата на живеење се води на имот во Радишани, а истиот тој имот не е пријавен во ДКСК. СДС со начинот на кој што ги злоупотребува сопствените жени министерки во владата и лажно ги претставува за жртви, уште еднаш докажа дека не допринесува за вистинска родова рамноправност, која во ниеден случај не подразбира заштита на жената само заради тоа што е жена, туку подразбира еднаквост, правичност и почитување врз база на остварени резултати, и чесни постапки во политиката рече Митева.

Би можело да ве интересира

Мицкоски: Судот утврди дека Славјанка Петровска ширела лаги и клевети против мене

Горан Наумовски

(ВИДЕО) Петровска до Николоски: Спроведовте ли надзор над општина Чаир за дивоградбите?

Митева: Сто и девет пациенти со предлози и барања на телефонската линија за повредените од трагедијата во Кочани

А1он

Освен медицинска и физиотерапевтска нега, повредените од Кочани во „Пониква“ ќе добиваат и психолошка и социјална поддршка

Митева: Кабинетот на премиерот е во континуирана комуникација со семејствата на настраданите во пожарот во Кочани

А1он

Во сообраќајката кај Момин Поток загинаа полковник Стефан Ивановски и Ана Нешовска од Министерство за одбрана

А1он