Реформите во образованието се процес кој изминативе четири години се спроведува на сила и нетранспарентно, а за жал истото се партизира од Царовска и СДСМ. Проблемите кои ги создава оваа влада оставаат трајни последици врз генерации ученици, но и врз просветните работници кои како наставници се главниот фактор кој треба да ги спроведе овие реформи рече на прес конференција портпаролката на ВМРО-ДПМНЕ, Марија Митева.
„Низа неправилности има во бодувањето на кандидатите кои како за наставник ментор, се отворија и сомнежи дека некои од досиејата биле отворани предвреме и истите биле подоцна преоценувани; Второ, информација за избор добија само избраните кандидати, никаде не можеше да се најде целосна ранг листа на сите кандидати кои аплицирале, а дополнително на кандидатите кои не беа избрани и побараа увид во бодувањето, истото не им било овозможено. Во училиште во општина Карпош каде беше избран кандидат којшто го пишуваше во онаа пресретната партиска листа каде кандидатите за наставници ментори се оценувани за партиска подобност. До името и презимето на наставникот стоеше кратко, недвосмислено објаснување “наш/а е” или “има книшка” – вели Митева.