Велешанец лежел во болница а семејството го пријавило за исчезнат и го пребарувало кејот на Вардар мислејќи дека се удавил, пишува денешен Вест.
„Исчезнатиот“ Балов заминал на лекарски преглед во Скопје, но наместо рутинска контрола, бил задржан десетина дена во болница. Никому не јавил дека заминува на лекар, па откако не се вратил дома, семејството во паника го пријавило за исчезнат.
Десет дена траела агонијата на велешкото семејство. Го пребарувале кејот на Вардар стравувајќи дека 78 годишниот страствен рибар паднал во реката и се удавил. Дури и преку медиумите беше упатен апел.