Хајрула Мисини , претседател на Комисијата за европски прашања на Собранието на Република Македонија, и пратениците Гордан Георгиев и Влатко Ѓорчев од денеска до 6. декември ќе престојуваат во Брисел.
За време на нивната посета, која е во пресрет на декемврискиот состанок на Европскиот совет, на кој ќе се одлучува по препораката на Европската комисија за давање датум за почеток на преговори на Македонија за членство во ЕУ, македонската делегација ќе се сретне со повеќе европратеници во Европскиот парламент.
Покрај лобирањето за добивање датум за преговори, на средбите ќе бидат разменети и мислења за евроинтегративните процеси во земјата.
