Конференција за промовирање на учеството на лицата со попреченост во изборниот процес ќе се одржи денеска од страна на Канцеларијата на ОБСЕ за демократски институции и човекови права (ОДИХР) и Мисијата на ОБСЕ во Скопје.
Настанот, организиран по повод Глобалниот изборен ден, ќе помогне во подигањето на свеста за ограниченото учество на лицата со попреченост во јавниот живот и изборниот процес, соопштуваат оттаму. Фокус на дискусијата, како што најавија, ќе бидат мерките за полесно управување со демократските институции и инклузивните процеси на донесување одлуки.
На воведната сесија ќе се обрати амбасадорот Клеменс Која, шеф на Мисијата на ОБСЕ во Скопје, Лусине Бадалјан, виш советник за избори од ОДИХР, Оливер Дерковски, претседател на Државната изборна комисија и Бојана Младеновска, активист за правата на лицата со попреченост.